إدارة العيادة
عيادتك كلها في برنامج واحد
من الحجز للأقساط للمصروفات وصافي الربح، والبرنامج بيتابع المرضى ويبعتلك ملخص اليوم على الواتساب.
الأقساط لأي إجراء
قسّط أي علاج على مراحل، والتقويم بأقساط شهرية «القسط 3 من 12» منفصلة عن جلسات المتابعة. البرنامج بيوريك المتأخر ويجهّز رسالة التذكير.
المصروفات وصافي الربح
الإيجار والمرتبات والخامات والمعامل، والمصاريف الثابتة كل شهر بدوسة. فواتير معامل THE GIFT25 بتنزل لوحدها، وتعرف صافي ربحك الحقيقي آخر الشهر.
حجز أونلاين بعربون
لينك حجز لعيادتك تحطه على فيسبوك وجوجل ماب. المريض بيشوف المواعيد الفاضية بس، ويحوّل العربون بإنستاباي ويرفع صورة التحويل، والعربون بيتخصم من حسابه لوحده.
ملخص اليوم على الواتساب
آخر اليوم رسالة للدكتور: مين جه ومين ماجاش، الدخل، اللي مادفعش، الأقساط المتأخرة، الخامات اللي خلصت، ومواعيد بكرة.
قايمة الانتظار للمواعيد اللي بتفضى
المريض اللي عايز ميعاد أبدر بيتسجّل، وأول ما ميعاد يتلغي البرنامج يعرضه على اللي يناسبه وينقل ميعاده بدوسة. الكرسي مايفضلش فاضي.
«دورك قرّب»
لما تدخّل مريض الكشف، البرنامج يطلّعلك اللي دورهم قرّب ولسه ماوصلوش، وتبعتلهم رسالة. الصالة ماتتزحمش.
اختيارين للعلاج
زرعة ولا كوبري؟ المريض يشوف الاختيارين جنب بعض بالسعر والمزايا، مطبوعين أو على الواتساب، واللي يختاره بس يدخل الخطة.
احجز مواعيد الخطة كلها مرة واحدة
البرنامج يقسّم الخطة على جلسات في أوقات فاضية ورا بعض، وتتبعت للمريض كلها في رسالة واحدة.
متابعة المرضى
مين محتاج تنظيف كل 6 شهور، مين خطته متكملتش، مين عنده حشو مؤقت من فترة، ومين قسطه مستحق — ورسالة جاهزة باسم كل واحد.
العيادة على موبايلك + الفروع
شوف مواعيد النهارده وبكرة والدخل من موبايلك وانت برة العيادة، مشفّرة بكلمة سر العيادة. وعندك أكتر من فرع؟ كلهم في شاشة واحدة.
هدف الشهر
حط هدف للدخل والمرضى الجداد، وتابع وصلت لفين وفاضل كام في كل يوم شغل.
كل اللي العيادة محتاجاه
أسئلة عن الميزة دي
محتاج نت؟
البرنامج شغال على جهازك من غير نت. الحجز أونلاين والواتساب والنسخة الأونلاين والموبايل بس هم اللي محتاجين نت.
ينفع على أكتر من جهاز في العيادة؟
أيوه، في باقة العيادة والمركز الأجهزة بتشتغل مع بعض على شبكة العيادة، والسكرتيرة ليها صلاحيات أقل من الدكتور.
بياناتي في أمان؟
بيانات المرضى على جهازك. والنسخة الأونلاين مشفّرة بكلمة سر العيادة قبل ما تطلع من الجهاز، ومحدش يقدر يفتحها غيرك.